Maemedi [Pronouns] (Setswana)

Maemedi [Pronouns] (Setswana)

Maemedi a Setswana

Maemedi (pronouns) a dirisiwa bo boemong ja maina go itsa go boeletsa go dirisa maina kgapetsa-kgapetsa. Mo Setswaneng, maemedi a kgona gape go dirisiwa go gatelela gore go buiwa ka ofe. Bomaitseanape le barutegi ba ka kwala go le gontsi, ba tlhalosa mefuta e e farologanyeng ya maemedi. Mathata ke gore ditlhaloso tse dingwe tse di ka opisa motho wa nama le madi tlhogo. Ka jalo, rona re iebagantse fela le mefuta e mebedi e e tlwaelesegileng thata: Leemedi-tota [absolute pronoun] le leemedi-lesupi [demonstrative pronoun].

1. Leemedi-tota [Absolute pronoun]

Popego ya maemedi a e lomotshega motlhofo, ka e laolwa thata ke Setlhopha sa Maina se leemedi la teng le se kayana. Maemedi a bopiwa ka dinoko tse pedi, ebong thito “-ne” le tlhogwana e e laolwang ke setlhopha sa maina.

Setlhopha Tlhogo Leemedi
1 mo- ene
monna monna ene
1a ɸ ene
Gabriel/rakgadi Gabriel ene
2 ba- bone
basadi basadi bone
2a bo- bone
boRaphael/bomalome boRaphael bone
3 mo- one
mopipi mopipi one
4 me- yone
meropa meropa yone
5 le- lone
lerapo lerapo lone
6 ma- one
maaka maaka one
7 se- sone
selepe selepe sone
8 di- tsone
dibini dibini tsone
9 N- yone
katse katse yone
10 diN- tsone
dipodi dipodi tsone
11 lo- lone
lore lore lone
14 bo- jone/bone
botsipa botsipa jone
15 go- gone
go ja go ja gone
16 fa- gone
fale fale gone
17 go- gone
godimo godimo gone
18 mo- gone
morago morago gone

Leemedi-tota le ka dirisiwa go gatelela/papamatsa sediri ka go bewa le tlhomagane le leina la sediri:
     <Dipodi tsone di sutlhile>

Le ka diriswa gape le le losi (le sa bapisa leina). mme fa go ntse jaana ga le na bokao ja go gatelela:
     <Tsone di suthile>

Le kgona go diriswa gape go emela sedirwa.
     <O batla tsone>

2. Leemedi-lesupi [Demonstrative pronoun]

Leemedi-lesupi [Demonstrative pronoun] le supa gore sebui se kgakala go le kae go tswa mo selong se a buang ka sone. Bokgakala bo kgaogantswe gararo (bona moalo o o latelang).

1. Boemo ja ntlha (fa). Go supa fa selo se bapile le sebui. Le fa go ntse jalo, go kgona go dirisiwa mogatlana “-na” [fana] kgotsa “-no” [fano] go kaya kgatelelo mo boemong ja ntlha. dikai: lefoko le; lefoko lena.

2. Boemo ja mobedi (fao). Go supa fa selo se go buiwang ka sone se le gaufi le mmuisiwa. Le bopiwa ka go tsenya mogatlana “-o”; sekai, lefoko leo.

3. Boemo ja boraro (fale). Go supa fa selo se go buiwang ka sone se le kgakala le sebui le mmuisiwa. Le bopiwa ka go tsenya mogatlana “-le”; sekai, lefoko lele.

Setlhopha Tlhogo Maemo a Ntlha Maemo a Ntlha (Kgatelelo) Maemo a Bobedi Maemo a Boraro
1 mo- yo yona/yono yoo yole
monna mmitse monna yo mmitse monna yona mmitse monna yoo mmitse monna yole
1a ɸ yo yona/yono yoo yole
Gabriel/rakgadi mmitse rakgadi yo mmitse rakgadi yono mmitse rakgadi yoo mmitse rakgadi yole
2 ba- ba bana/bano bao bale
basadi ba bitse basadi ba ba bitse basadi bana ba bitse basadi bao ba bitse basadi bale
2a bo- ba bana/bano bao bale
boRaphael/bomalome ba bitse bomalome ba ba bitse bomalome bano ba bitse bomalome bao ba bitse bomalome bale
3 mo- o ona/ono oo ole
mopipi o tshube mopipi o o tshube mopipi ona o tshube mopipi oo o tshube mopipi ole
4 me- e ena/eno eo ele
meropa e letse, meropa e e letse, meropa eno e letse, meropa eo e letse, meropa ele
5 le- le lena/leno leo lele
lerapo le robe, lerapo le le robe, lerapo lena le robe, lerapo leo le robe, lerapo lele
6 ma- a ana/eno ao ale
maaka a ganetse, maaka a a ganetse, maaka ano a ganetse, maaka ao a ganetse, maaka ale
7 se- se sena/seno seo sele
selepe se lotse, selepe se se lotse, selepe sena se lotse, selepe seo se lotse, selepe sele
8 di- tse tsena/tseno tseo tsele
dibini di opedise, dibini tse di opedise, dibini tseno di opedise, dibini tseo di opedise, dibini tsele
9 N- e ena/eno eo tse
katse e kobe, katse e e kobe, katse ena e kobe, katse eo e kobe, katse ele
10 diN- tse tsena/tseno tseo tsele
dipodi di game, dipodi tse di game, dipodi tseno di game, dipodi tseo di game, dipodi tsele
11 lo- lo lona/lono loo lole
lore lo obe, lore lo lo obe, lore lona lo obe, lore loo lo obe, lore lole
14 bo- jo jona/jono joo jole
botsipa bo supe, botsipa jo bo supe, botsipa jono bo supe, botsipa joo bo supe, botsipa jole
15 go-
go ja
16 fa-
fale
17 go-
godimo
18 mo-
morago

Go boela kwa tsebeng-kgolo ya Dikarolo tsa Puo, tobetsa gone fa, mme fa o batla go bala tsebe yone e ka Sekgowa, tobetsa Maemedi [Pronouns] (English).